Category:

ENFÒMASYON

AKTYALITEENFÒMASYON

Aprè li fin pèdi eleksyon an, Flávio Bolsonaro kouri kite Brezil pou rantre Etazini

by Johnson DEROSIN
Johnson DEROSIN

Kreyòl Enfo, 27 oktòb 2026 .- De (2) jou sèlman aprè li fin pèdi eleksyon prezidansyèl yo devan Luiz Inácio Lula da Silva, Senatè Flávio Bolsonaro kouri kite Brezil pou rantre Etazini. Ansyen kandida pou pòs prezidan an kite Brezil ansanm ak madanm li, Fernanda Bolsonaro, epi 2 pitit fi li yo, daprè CNN Brasil.

Ayè lendi a, jij nan Siprèm Tribinal Federal Alexandre de Moraes te pase Flávio Bolsonaro lòd pou remèt paspò li bay Polis Federal epi entèdi l kite Brezil. Daprè enfòmasyon plizyè medya, Flávio Bolsonaro pa remèt paspò a, li gentan travèse fwontyè Ajantin epi pran avyon pou Etazini.

Lajistis nan peyi Brezil ap mennen ankèt sou 2 dosye kote non Flávio Bolsonaro parèt. Nan youn nan dosye yo, otorite jidisyè yo sispèk ansyen kandida a ta ap lave lajan sal atravè yon platfòm ki fè paryaj espòtif. Senatè a nan mitan yon ankèt tou sou finansman film Dark Horse, yon pwodiksyon ki ap rakonte istwa papa l, Jair Bolsonaro.

Washington ta dwe bay Flávio Bolsonaro viza pou li menm ak rès manm fanmi an, daprè enfòmasyon yon otorite amerikèn konfime pou jounal O Globo. Depite Eduardo Bolsonaro, frè Flávio Bolsonaro, te deja abandone manda l pou rete viv Etazini nan lide pou fè « lobby » bò kote administrasyon Trump la.

Kreyòl Enfo

0 comments
AKTYALITEENFÒMASYON

Maduro ak madanm li di yo inosan devan yon tribinal federal ameriken nan Manhattan

by Kreyòl Enfo
Kreyòl Enfo

Kreyòl Enfo, 15 oktòb 2026 .- Ansyen prezidan venezyelyen an Nicolas Maduro ansanm ak madanm li, Cilia Flores, parèt devan yon tribinal federal ameriken nan Manhattan, jodi jedi a, pou reponn sou plizyè lòt akizasyon k ap peze sou do yo. Daprè pakè federal la, ansyen prezidan an ak madanm li ta patisipe nan yon konplo pou arete, tòtire epi jete nan prizon opozan politik ak plizyè sitwayen ameriken.

Yon seri akizasyon Nicolas Maduro ak Cilia Flores voye jete byen lwen. 2 akize yo plede non koupab pou tout akizasyon sa yo. Madanm Maduro di li inosan, li pa gen anyen pou wè ak akizasyon sa yo.

Mete sou akizasyon sa yo, lajistis amerikèn te deja akize Maduro ak madanm li kòm moun ki nan dwòg epi k ap finanse teworis.

Pandan yon operasyon militè, otorite amerikèn yo te fè dappiyanp sou Nicolas Maduro ak Cilia Flores nan kapital Venezyela a, Karakas, 3 janvye 2026 pase a. Pwosè Maduro ak madanm li ki fèmen nan prizon Brooklyn ta dwe kòmanse 14 jen 2026.

Kreyòl Enfo

0 comments
ENFÒMASYONAKTYALITEENSEKIRITE

Kenskòf : Lapolis rekipere plizyè lokalite ki te anba kontwòl bandi

by Kreyòl Enfo
Kreyòl Enfo

Kreyòl Enfo, 26 septanm 2026.- Ajan nan divès inite nan Polis Nasyonal Ayiti a ( PNH, sig nan lang franse) ap mennen yon seri operasyon nan komin Kenskòf, depatman lwès, depi semèn pase a, daprè enfòmasyon ajan egzekitif Massillon Jean konfime. Premye sitwayen Kenskòf la fè kwè fòs lòd yo deja rekipere plizyè lokalite nan komin nan pami yo « Bwa Avril ».

Prezidan konsèy kominal la di gen plizyè bandi nan gang « Didi » ap dirije a ki tonbe pandan yo t ap boukante kout bal ak lapolis. Massillon Jean mande Fòs Lame Ayiti a (FAd’H, sig nan lang franse) apiye Polis Nayonal la epi okipe espas ki libere yo.

Move kondisyon wout yo se youn nan gwo difikilte ajan fòs lòd yo rankontre pandan operasyon yo, daprè ajan egzekitif la. Li mande pou ministè travo piblik voye yon ekip teknik pou netwaye wout yo yon manyè pou pèmèt polisye yo atake bandi yo pi fasil.

Mwa pase a, bandi ak zam ki nan òganizasyon teworis Viv Ansanm fè plizyè masak nan vil Kenskòf ak lokalite ki viwonnen l yo. Pandan masak sa yo, pou pi piti 164 moun pèdi lavi yo, daprè yon rapò ankèt Rezo Nasyonal Dwa Moun yo ( RNDDH, sig nan lang franse).

Kreyòl Enfo

0 comments
ENFÒMASYON

Koperasyon : 114 militè ayisyen ap patisipe nan 2 mwa fòmasyon Meksik 

by Kreyòl Enfo
Kreyòl Enfo

Kreyòl Enfo, 19 septanm 2026.- Yon gwoup 114 militè ayisyen kite peyi a, ayè vandredi a (18), pou al patisipe nan yon fòmasyon 8 semèn nan peyi Meksik. Ministè Defans ki anonse nouvèl la presize kontenjan militè ayisyen ki ale Meksik la gen 108 nouvo sòlda ak 6 akonpayatè.

Fòmasyon sa ki rantre nan kad koperasyon Ayiti ak Meksik gen pou objèktif ranfòse kapasite sòlda ayisyen yo pou mennen bon jan operasyon ak modènizasyon Fòs Lame Ayiti a ( FAd’H, sig nan lang franse), daprè rèsponsab ministè defans yo. Direktè pou Amerik santral ak karayib la nan ministè Relasyon eksteryè meksiken, Carlos Imanol B. Reyes, sou bò pa l siyale Ayiti ak Meksik ap viv yon moman istorik depi lè 2 peyi yo kòmanse genyen relasyon diplomatik.

Nan non Fòs Lame Ayiti a, kolonèl Néoclès Arné remèsye otorite meksiken yo pou kontribisyon peyi Meksik pote nan fòmasyon nouvo militè ayisyen yo. Kolonèl la prezante koperasyon sa tankou yon lòt pa ki franchi nan pwosesis rekonstriksyon FAd’H la.

Mario Andrésol k ap dirije ministè ayisyen defans la pa janm sispann raple objèktif li se ogmante kantite sòlda ki nan lame a epi pèmèt yo jwenn bon jan materyèl ak fòmasyon pou pèmèt lame a garanti defans tèritwa nasyonal la epi kontribiye nan tabli bon jan sekirite ak lapè nan peyi a.

Kreyòl Enfo

0 comments
AKTYALITEENFÒMASYONENSEKIRITE

Ensekirite : Bandi kidnape 5 elèv lekòl, 3 nan yo soti nan yon sèl fanmi

by Kreyòl Enfo
Kreyòl Enfo

Pòtoprens, 18 septanm 2026.- Bandi ak zam k ap fè lalwa nan zòn metwopolitèn Pòtoprens la fè dappiyanp sou 5 elèv lekòl, maten vandredi a (18), nan ri Lamatinyè, Bwa Vèna, Pòtoprens. Pami timoun zagoloray yo kidnape yo gen 3 ki soti nan yon sèl fanmi, daprè enfòmasyon yon temwen pataje ak yon kolaboratè Kreyòl Enfo.

Temwen an ekplike se pandan li te kanpe epi britsoukou li wè yon machin kanpe bò lari a, 2 nèg desann ak gwo zam fanm fwa epi egzije plizyè elèv monte nan machin nan. Li konfime pami elèv sa yo 3 se manm yon sèl fanmi.

Malgre otorite te anonse plizyè milye polisye deplwaye nan kapital lá pou garanti sekirite elèv lekòl yo, kriminèl yo deja kidnape pou pi piti 10 timoun pandan sèlman 2 semèn depi ane lekòl la kòmanse.

Kreyòl Enfo

0 comments
ENSEKIRITEENFÒMASYONSOSYETE

Legliz katolik deside fèmen pòt lekòl, Inivèsite, sonnen klòch epi chante mès pou denonse fenomèn kidnaping la

by Kreyòl Enfo
Kreyòl Enfo

Kreyòl Enfo, 14 avril 2021.- Legliz Katolik endiye aprè dapiyanp bandi 400 Mawozo yo fè, dimanch pase a, sou yon gwoup relijye pandan yo ta pral asiste enstalasyon pè Jean Anèl Joseph kòm kire pawas Galèt Chanbon. Legliz la presize gen 4 pè ak 2 sè katolik epi 3 lòt relijye ki anba men bandi yo. 2 pami viktim yo se sitwayen fransè.

Nan yon nòt ki pibliye madi 13 avril la, konferans evèk yo mande pou tout lekòl, inivèsite ak tout lòt enstitisyon ki pou legliz katolik rete ak pòt yo fèmen jou k ap jedi 15 avril 2021 an. Evèk yo anonse tout klòch legliz nan tout peyi a ap sonnen nan lè midi jedi 15 avril la tou nan lide yo di pou mande Bondye chanjman pou Ayiti.

Tout evèk katolik yo ap reyini nan legliz Sen Pyè ki nan komin Petyonvil pou selebre yon mès nan lè midi, jedi 15 avril la, toujou daprè sa ki ekri nan nòt la.

Bandi ki nan gang 400 Mawozo yo egzije yon milyon dola vèt pou libere relijye yo.

Kreyòl Enfo

0 comments
ENSEKIRITEENFÒMASYON

Kwadèboukè : yon dividal prizonye sove, pou pi piti 7 moun mouri

by Kreyòl Enfo
Kreyòl Enfo

Kreyòl Enfo, 25 fevriye 2021 .- Pou pi piti sèt (7) moun mouri ak plizyè lòt blese pandan yon deblozay nan prizon sivil Kwadèboukè a, jodi jedi 25 fevriye a, kote yon dividal prizonye rive sove, daprè sa plizyè jounalis konstate. Plis pase 6 èd tan aprè, otorite yo poko prezante okenn bilan ofisyèl sou sitiyasyon an.

Jounalis ak abitan nan komin nan te remake plizyè gwoup jèn gason k ap kouri ak gwo zam fann fwa nan men yo. Divès inite nan Polis Nasyonal Ayiti a (PNH, sig nan lang franse) te deplwaye nan rejyon an aprè evènman an. Fòs lòd yo deja mete lapat sou plizyè nan endividi sa yo ki te sove kite prizon an.

Daprè premye enfòmasyon yo, Arnel Joseph ta pami prizonye ki sove yo. Arnel Joseph se yon ansyen chèf gang ki t ap fè lalwa nan zòn Vilajdedye. Nan kòmansman ane a li te fè anpil gwo deklarasyon devan lajistis sou bon relasyon li ta genyen ak divès gwo zotobre nan pouvwa a.

Ansyen depite Arnel Belizaire pami moun ki fèmen nan prizon sivil Kwadèboukè a.

Kreyòl Enfo

0 comments
ENFÒMASYONPOLITIK

IJAN : Senatè Nenel Cassy ak plizyè militan politik jwenn arèstasyon yo nan vil Miragwàn

by Kreyòl Enfo
Kreyòl Enfo

Kreyòl Enfo, 21 janvye 2021.- Komisè gouvènman Miragwàn nan arete, aprè midi jedi a (21), ansyen Senatè Nip la, Nenel Cassy, aprè yon manifestasyon opozisyon an t ap òganize nan vil la pou egzije Jovenel Moise kite pouvwa a 7 fevriye 2021.

Plizyè lòt militan politik pami yo pwofesè Jeanty Manis ak Cadet Ebens jwenn arèstasyon yo tou. Pou kounye a, Senatè Nenel Cassy ansanm ak lòt moun ki arete yo nan gadavi komisarya Miragwàn nan.

Kawoutchou deja ap boule nan plizyè kwen nan vil Miragwàn pou mande liberasyon Senatè a ansanm ak lòt militan yo.

Kreyòl Enfo 

0 comments
ENFÒMASYON

Dèlma : plizyè moun mouri nan yon ti otèl delma 19

by Kreyòl Enfo
Kreyòl Enfo

Kreyòl Enfo, 18 desanm 2020.- Sitwayen nan zòn delma 19 leve jwenn maten 18 desanm 2020 an plis pase 3 moun mouri nan yon ti otèl ki pote non « Ti nich ».

Selon enfòmasyon ki rive jwenn Kreyòl Enfo, ta sanble moun sa yo ki te nan otèl sa a mouri ak pwazon. Yon tèz ki poko verifye bò kote otorite yo.

Aprè dram nan, lapolis syantifik ak youn nan jij depè komin Delma yo te rann li sou plas pou konsta legal yo epi tanmen ankèt fè limyè sou dram sa.

 

Kreyòl Enfo

0 comments
Newer Posts
Older Posts
kreyolenfo.com. Tout dwa yo rezève.