Kreyòl Enfo, 7 avril 2020 .- Nouvo kowonaviris la k ap fè ravaj nan peyi Etazini pa epanye kominote ayisyèn nan. Jodi madi a (7), enjenyè achitèk Marc Jean Baptiste mouri aprè li te fin kontamine ak viris la nan vil New York, daprè sa yon pwòch fanmi an konfime.
Marc Jean Baptiste te deja ap soufri ak lòt maladi avan li te enfekte ak kovid-19 la. Madanm enjenyè a ki kontamine ak viris la tou kouche sou kabann lopital.
Enjenyè Marc Jean Baptiste te trase plan epi sipèvize konstriksyon Feu Vert Night Club nan lane 1967. Klèb fanatik Septan yo te bay enjenyè Jean Baptiste yon ochan espesyal nan lane 2018, nan lokazyon 70e anivèsè djaz la.
Kreyòl Enfo voye senpati li pou gran Òkès Septantriyonal ak tout fanatik li yo nan moman kalamite sa.
Kreyòl Enfo