Home Aktyalite Charlot Jeudy mouri, Lafrans mande Leta ayisyen fè limyè sou lanmò defansè LGBT yo

Charlot Jeudy mouri, Lafrans mande Leta ayisyen fè limyè sou lanmò defansè LGBT yo

by Kreyòl Enfo

Kreyòl Enfo, 25 novanm 2019 .- Prensipal defansè kominote LGBT nan peyi a, Charlot Jeudy, mouri lakay li, Vivimichèl, ayè dimanch la. Jounalis Amélie Baron k ap travay pou Radio France International (RFI) Ayiti ki pataje enfòmasyon an jodi lendi a siyale poko gen okenn limyè sou lanmò militan LGBT a.

Lafrans envite otorite ayisyèn yo pran tout dispozisyon pou fè limyè sou lanmò britsoukou masisi Charlot Jeudy. Anbasad la souliye lanmò sa fèt  » nan sikonstans ki pa twò klè ».

Nan yon kominike ki parèt kèk èd tan sèlman aprè yo fin dekouvri kadav Charlot Jeudy lakay li, anbasad Lafrans di li » aprann ak anpil emosyon lanmò masisi, prezidan asosiyasyon KOURAJ la ki angaje l nan defann dwa kominote LGBT yo ».

Charlot Jeudy, 34 lane, te fonde asosiyasyon KOURAJ 18 desanm 2011 nan lide pou defann dwa masisi, madivin, biseksyèl, transeksyèl ak lòt.

Kreyòl Enfo

0 comment