Kreyòl Enfo, 20 dawout 2019.- Prezidan chanm depite a, Garry Bodeau, anonse, ayè lendi a, seyans espesyal sou mizannakizasyon Prezidan Jovenel Moïse la ap rapouswiv mèkredi 21 dawout k ap vini la a.
Biwo a pran dispozisyon pou rapouswiv seyans la aprè anpil diskisyon pandan dènye konferans prezidan blòk ak komisyon ki nan chanm nan, daprè sa depite Garry Bodeau fè konnen. Reprezantan sikonskripsyon Dèlma a swete seyans la ki kanpe 2 fwa deja dewoule san pwoblèm. Palmantè a konseye kòlèg li yo montre anpil respè ak bon sans pandan deba yo.
Gwoup depite ki nan opozisyon ak pouvwa Tèt kale a akize Prezidan Jovenel Moïse kòm otorite ki patisipe nan komèt krim, kòripsyon ak lòt ankò.
Kreyòl Enfo