Arnel Joseph, chèf gang Vilaj Dedye a anba kòd

Kreyòl Enfo, 22 jiyè 2019 .- Lapolis mete lapat, jodi lendi a (22 jiyè a), sou chèf gang Arnel Joseph nan vil Okay. Yon enfòmasyon Direktè jeneral Lapolis, Michel Ange Gédéon, konfime pou Kreyòl Enfo.

Direktè jeneral presize bandi a jwenn arèstasyon li pandan li t al pran laswenyay nan lopital  » Bonne fin » ki nan vil Okay.

Arnel Joseph jwenn arèstasyon li 2 mwa aprè li te fin blese anba bal nan zòn Machan Desalin (Latibonit) pandan li t ap boukante kout zam ak yon lòt gwoup bandi. Pou kounye a, Arnel Joseph nan gadavi andedan komisarya Okay la.

Kreyòl Enfo