PetwoKaribe : Akoz « pwoblèm sante », Jean Max Bellerive pa prezante devan lajistis



Kreyòl Enfo, 20 jiyè 2019 .- Ansyen premye minis Jean Max Bellerive pa rive reponn, ayè vandredi a (19), kesyon jij enstriksyon Ramoncite Accimé sou non l ki site byen fò pami moun ki fè wout kwochi ak lajan Petwo karibe a.

Avoka k ap defann ansyen chèf Primati a, Mèt Joseph Exumé, ki te pase kèk minit nan biwo jij la eksplike se yon pwoblèm lasante ki anpeche kliyan li a prezante devan kabinè enstriksyon. Mèt Exumé anonse li depoze yon rekèt nan biwo jij la pou mande repòte seyans la.

Mèt Ramoncite Accime ki konfime li resevwa rekèt avoka yo di Jean Max Bellerive dwe prezante nan biwo l semèn k ap vini an san li pa presize okenn dat.

Ansyen premye minis Jean Max Bellerive ak plizyè gwo palto ki te nan Leta a jwenn envitasyon jij Ramoncite Accimé pou vin bay eksplikasyon sou dosye PetwoKaribe a .

Kreyòl Enfo