Kreyòl Enfo, 19 jiyè 2019.- Yon jou aprè piblikasyon rapò Òganizasyon tout nasyon yo (ONU) sou masak Lasalin nan, Anbasad peyi Lafrans di, jodi vandredi a (19 jiyè) li aprann ak anpil tristès enfòmasyon ki konfime gang ak zam touye yon dividal moun nan katye Lasalin.
Nan yon nòt ofisyèl li mete deyò, anbasad la raple « abitan Lasalin deja sibi anpil zak vyolans sitou plizyè nan yo te mouri nan mwa novanm 2018. Anbasad la swete katye sa ki pa sispann viktim anba men bandi ak zam yo bénéfisye tout pwoteksyon posib ».
Toujou nan nòt la, anbasad peyi Lafrans di l ap tann « tout moun ki koupab nan fè krim sa yo reponn kesyon lajistis ».
Òganizasyon k ap defann dwa moun tankou Rezo nasyonal kap defann dwa moun (RNDDH – sig nan lang franse) ak Fondasyon je klere (FJK) lonje dwèt sou plizyè gwo palto nan pouvwa Tèt Kale a kòm otorite ki ta gen dwèt yo tranpe nan masak sa.
Kreyòl Enfo
