Bandi touye Evelyne Sincère, elèv yo te kidnape 29 oktòb pase a, epi jete kadav la sou yon pil fatra

👤 Kreyòl Enfo

Kreyòl Enfo, premye novanm 2020.- Sitwayen nan zòn Dèlma 24 dekouvri, maten dimanch premye novanm nan, kadav Evelyne Sincère bandi te kidnape 29 oktòb pase a sou yon gwo pil fatra. Viktim nan ki te fenk fin konpoze nan egzamen ofisyèl pou klas filo te lekòl nan lise Jacques Roumain, Matisan.

Yon gran sè Evelyne Sincère ki idantifye kadav la presize bandi yo te reklame 100 000 dola vèt pou libere l. Aprè anpil negosyasyon, kidnapè yo te pwomèt y ap aksèpte 15 000 dola nan men fanmi an. Men, maten dimanch la, ak anpil dezolasyon yo dekouvri kadav jèn fi a sou pil fatra.

»   Ijan : yon ajan sekirite Palè nasyonal tonbe anba bal

Kidnapig epi asasinay Evelyne Sincère, 21 lane, revòlte anpil sitwayen ki pa kache endiyasyon yo sou rezo sosyal yo. Entènot yo kòmanse mobilize pou mande tout sosyete a manifeste kont ensekirite a epi fòse otorite yo pran rèsponsabilite yo.

Kreyòl Enfo

ou ka enterese