Kreyòl Enfo
Sous enfomasyon an
  • AKTYALITE
  • SANTE
  • JISTIS
  • EDIKASYON
  • ENTÈNASYONAL
  • ESPÒ
  • DYASPORA
  • KILTI
  • AGRIKILTI
  • ELEKSYON
  • OPINYON
Kreyòl Enfo
Tag:

Eleksyon

AKTYALITEELEKSYON

IJAN : Otorite elektoral yo pa aksèpte dosye kandida Jean Ernst Muscadin

by Kreyòl Enfo 29/10/2026
Kreyòl Enfo

Kreyòl Enfo, 29 oktòb 2026.- Jean Ernest Muscadin, kandida pou pòs prezidans anba banyè pati Fòs Chanjman Nasyonal (FCN), pa rive depoze dosye kandidati li nan Biwo Elektoral Depatmantal (BED) pou depatman Lwès I a. Otorite elektoral yo di yo pa kapab aksèpte dosye komisè gouvènman Miragwàn nan paske li pa gen tout dokiman ki prevwa nan Atik 155 dekrè elektoral la.

Dosye Jean Ernst Muscadin an pa gen ladan l lèt kote li demisyone nan tèt pakè Miragwàn nan ni deklarasyon final taks li pou ane fiskal 2025–2026 la, daprè enfòmasyon yo.

2 dokiman sa yo nan lis pyès dekrè elektoral la egzije pou yon kandida depoze si li vle kandida pou vin prezidan peyi a. Avoka Jean Ernst Muscadin yo ki te prezan nan lokal BED la bay garanti komisè a ap kandida pou pòs prezidan nan eleksyon ki pwograme pou mwa jiyè 2027 yo.

Plizyè santèn moun te akonpaye Jean Ernst Muscadin nan moman li ta pral depose pyès li nan BED Lwès I an.

Kreyòl Enfo

29/10/2026 0 comments
AKTYALITEELEKSYON

Eleksyon ranvwaye ? : KEP a ap travay sou yon nouvo kalandriye

by Kreyòl Enfo 06/10/2026
Kreyòl Enfo

Kreyòl Enfo, 6 oktòb 2026 .- Konsèy Elektoral Pwovizwa a (KEP) anonse li pwolonje peryòd pou kandida yo enskri sou entènèt epi depoze dokiman ki nesesè yo nan Biwo Elektoral Depatmantal yo (BED). Peryòd enskripsyon sa ki te dwe fini 14 oktòb k ap vini la a pwolonje jiska 31 oktòb 2026. KEP a ranvwaye tou peryòd ki te prevwa pou demare ak kanpay elektoral la.

Yon rèsponsab nan Konsèy Elektoral Pwovizwa a ki pale ak Kreyòl Enfo anonse dat 13 desann ki te prevwa pou premye tou eleksyon yo  » p’ap kenbe ». Rèsponsab sa ki pa vle non l site di yo prèske fin travay sou nouvo kalandriye elektoral la. Li fè kwè nouvo kalandriye sa ta dwe pibliye nan jou k ap vini la yo.

Otorite yo nan gouvènman an nan tèt kole ak KEP a chanje tou plizyè atik nan dekrè elektoral la. Youn nan atik ki chanje nan dekrè a se 253. Otorite yo retire obligasyon atik sa te fè kandida yo pou pran yon dokiman nan Bank Repiblik Ayiti a ( BRH, sig nan lang franse) pou konplete dosye yo.

Plizyè sitwayen k ap prepare pou al poze kandidati yo nan pwochèn eleksyon yo bat bravo pou kèk chanjman ki fèt nan dekrè elektoral la ak nouvo kalandriye  ki pral soti a. Dieunet Sineus ki vle kandida pou pòs depite nan dezyèm sikonskripsyon Pòtoprens la di eleksyon pa ka fèt nan peyi a si pwoblèm ensekirite a pa rezoud.

Kreyòl Enfo

06/10/2026 0 comments
AKTYALITEPOLITIK

Eleksyon : Gary Bodeau, kandida pou pòs prezidan, vizite plizyè pwojè nan Nòdwès ki te kòmanse pandan adminisyon Jovenel Moise la

by Kreyòl Enfo 05/10/2026
Kreyòl Enfo

Kreyòl Enfo, 5 oktòb 2026.- Kandida pou pòs prezidan anba banyè REKONSILYE a, Gary Bodeau, fè yon virewon politik nan depatman Nòdwès la pandan Wikenn nan. Pandan deplasman sa, ansyen Prezidan chanm depite a te vizite plizyè pwojè ki te kòmanse pandan administrasyon ansyen prezidan Jovenel Moise la.

Nan vil Pòdepè, kandida REKONSILYE a te vizite santral elektrik Lasalin nan, ansanm ak lokal pwojè jeyotèmi an « Geo-Plasme ». Gary Bodeau eksplike si yon prezidan te kòmanse yon pwojè, li pa dwe disparèt lè manda prezidan sa fini, men pito li dwe ranfòse nan benefis popilasyon an.

Kandida a deja fè virewon politik sa yo nan lòt depatman nan peyi a. Nan Nip, semèn pase a, Gary Bodeau te pwomèt pou l rekonsilye nasyon an. Li raple yon pèp ki divize pap kapap pwogrese.

Nan Nòdwès, ansyen depite a souliye plizyè sektè estratejik li idantifye kòm priyorite pou mete peyi a sou wout chanjman. Gary Bodeau envite tout ayisyen mete men pou retire peyi a nan sitiyasyon malouk l ap travèse jounen jodi a.

Konsèy Elektoral Pwovizwa a, nan yon nòt li pibliye semèn pase a, raple tout moun peryòd kanpay la poko kòmanse. KEP voye yon pinga bay tout potansyèl kandida, pati ak gwoupman politik ki tá gen lide fè kanpay avan dat ki prevwa nan dekrè elektoral la.

Kreyòl Enfo

05/10/2026 0 comments
AKTYALITEELEKSYONPOLITIK

Eleksyon : komisè Muscadin ak « Pwofèt Markinson » kandida anba lobedyans menm pati Politik

by Kreyòl Enfo 30/09/2026
Kreyòl Enfo

Kreyòl Enfo, 30 septanm 2026.- Komisè gouvènman  Miragwàn nan, Jean Ernst Muscadin, enskri sou sit Konsèy Elektoral Pwovizwa kòm kandida pou pòs prezidan anba lobedyans pati Fòs Chanjman Nasyonal (FCN). Toujou jodi mèkredi a, Markinson Dorilas moun plis konnen sou non « Pwofèt Markinson » enskri pou pòs senatè Lwès anba menm pati a politik la.

Kontrèman ak egzijans dekrè elektoral la, komisè Muscadin enskri san li pa demisyone. Sepandan, daprè atik 153, paragraf 16 nan dekrè elektoral la, yon ofisyèl nan Leta a dwe demisyone nan pòs li 2 mwa avan li enskri kòm kandida.

Markinson Dorilas ki enskri pou pòs senatè anba menm pati politik la gen sèlman 10 jou depi li soti nan prizon. Pwofèt Markinson te pase plizyè mwa nan prizon pou yon dosye eskwokri. Jij enstriksyon Étienne Mercier ki te siyen desizyon pou libere pwofèt la mande pou dezòmè kandida a toujou rete disponib pou lajistis.

Enpòtan pou n raple pwofesè Augustin D’Mezza te demisyone nan tèt Fòs Chanjam Nasyonal ayè madi a. Plizyè sous pwòch pati a fè kwè se akoz direksyon pati a chwazi pwofèt Markinson pou senatè ki pouse pwofesè a kite tèt pati a.

Kreyòl Enfo

30/09/2026 0 comments
AKTYALITEELEKSYON

Raphael André, rèsponsab politik Jakmèl, denonse KEP a li di ki fè twòp egzijans pou yon sitwayen ka kandida

by Kreyòl Enfo 29/09/2026
Kreyòl Enfo

Kreyòl Enfo, 29 septanm 2026.- Rèsponsab Kolektif Aktè Ayisyen pou Devlòpman ak Òganizasyon Alternativ (KADOA), Raphael André, kritike Konsèy Elektoral Pwovizwa a li di ki fè twòp egzijans pou yon sitwayen ka kandida nan pwochèn eleksyon yo. Li di manm KEP yo envante yon pakèt atik nan dekrè elektoral la ki pa kadre ak manman lwa peyi a.

Raphael André site atik 253 dekrè elektoral la li di ki fè yon bann egzijans kandida yo ap gen anpil difikilte pou rèspekte. Konseye KADOA a pran egzanp difikilte ki genyen pou sitwayen yo jwenn yon dokiman KEP a egzije pou yo pran nan Bank Repiblik Ayiti a (BRH, sig nan lang franse) si yo vle kandida.

Raphael André fè kwè sitwayen k ap viv nan seksyon kominal yo pap janm ka jwenn tout dokiman dekrè elektoral la egzije yo akoz sèvis Leta pat janm rive nan zòn sa yo.

Lidè politik la mande tout kandida mobilize kont move desizyon sa yo ki anpeche pitit peyizan yo patisipe nan eleksyon ki ta dwe fèt nan finisman ane a.

Kreyòl Enfo

29/09/2026 0 comments
AKTYALITEELEKSYON

Eleksyon : Michel Martelly enskri kòm kandida pou pòs prezidan anba banyè DEBLOKE

by Kreyòl Enfo 22/09/2026
Kreyòl Enfo

 

Kreyòl Enfo, 22 septanm 2026.- Ansyen Prezidan Michel Joseph Martelly enskri kòm kandida pou pòs prezidan, jodi a, sou sit Konsèy Elektoral Pwovizwa a anba banyè DEBLOKE . Michel Martelly prevwa depoze pyès li nan BED Lwès I an nan jou k ap vini la yo, daprè enfòmasyon yon manm nan direksyon DEBLOKE pataje ak Kreyòl Enfo.

Aprè plizyè ane li pase nan peyi Etazini, ansyen chèf Leta a te retounen Ayiti nan mitan ane 2026 la. Michel Martelly te enskri kòm elektè 30 dawout pase a.

Pou kounye a 8 kandida pou pòs prezidan deja enskri sou sit Konsèy Elektoral Pwovizwa. Dat pou kandida yo enskri a ap bout 14 oktòb 2026. Premye tou eleksyon yo pwograme pou 13 desanm, daprè sa ki nan kalandriye elektoral la.

Kreyòl Enfo

22/09/2026 0 comments

DÈNYE NOUVÈL

  • Ayiti-Ensekirite : plis pase 1 100 moun mouri nan twa mwa

    13/11/2026
  • Ensekirite : Fòs lòd yo touye yon premye gwo chèf gang nan « Viv Ansanm »

    06/11/2026
  • Etazini : defèt istorik pou Donald Trump ki pèdi majorite nan 2 branch Kongrè a

    04/11/2026
  • Trèt k ap detwi Ayiti yo pa eritye Desalin, daprè Nayib Bukele nan yon mesaj pou pèp ayisyen an

    03/11/2026
  • Etazini :  » midterms », yon eleksyon ki ka chanje politik ameriken nan tout mond la

    03/11/2026

ATIK YO PLIS LI

Kreyòl Enfo sou Facebook

  • Facebook
  • Twitter
  • Youtube

Kreyòl Enfo (KE) se premye medya nimerik nan lang kreyòl ayisyen. Fonde nan lane 2016, Kreyòl Enfo trete epi pataje enfòmasyon verifye pou tout ayisyen ki nan katkwen peyi a ak nan dyaspora a konprann san grate tèt. Nou gen misyon bay tout sitwayen lavwa ochapit pandan n ap fè pwomosyon pou lang ak kilti ayisyen an.

Copyright 2016 - kreyolenfo.com. Tout dwa yo rezève.


Back To Top
Kreyòl Enfo
  • AKTYALITE
  • SANTE
  • JISTIS
  • EDIKASYON
  • ENTÈNASYONAL
  • ESPÒ
  • DYASPORA
  • KILTI
  • AGRIKILTI
  • ELEKSYON
  • OPINYON
Kreyòl Enfo
  • AKTYALITE
  • SANTE
  • JISTIS
  • EDIKASYON
  • ENTÈNASYONAL
  • ESPÒ
  • DYASPORA
  • KILTI
  • AGRIKILTI
  • ELEKSYON
  • OPINYON
kreyolenfo.com. Tout dwa yo rezève.