Yon twazyèm gwoup Ayisyen ki t ap viv Chili debake Pòtoprens

Pòtoprens, lendi 17 desanm 218.-Pwogram gouvènman chilyen an mete sou pye pou pèmèt migran ayisyen ki vle retounen san depanse yon pyas yo ap rapouswiv. Jodi lendi a (17), yon avyon ak 175 konpatriyòt poze nan ayewopò entènasyonal Tousen Louvèti.

Plizyè medya presize deja genyen yon total 500 ayisyen ki kite Chili pou rantre Pòtoprens depi lè pwogram nan kòmanse nan mwa novanm pase a.

Responsab imigrasyon nan peyi Chili siyale gen 1952 ayisyen ki deja enskri nan kad pwogram sa ki fasilite tout migran ki vle retounen nan peyi yo .

Tout konpatriyòt ki rantre Ayiti nan kad pwogram sa dwe pase pou pi piti 9 lane avan yo retounen Chili.

Kreyòl Enfo

Lyen