Kreyòl Enfo, 20 me 2020 .- Yon sitwayen dominiken mouri douvanjou mèkredi a (20) nan zòn Savann Blond, yon lokalite nan komin Kòniyon Granbwa (Lwès). Dominiken sa ki te malad anpil te vin bouske laswenyay kay yon wougan (medsen fèy) nan lokalite a.
Msjistra komin Kòniyon Granbwa a, Jean Balaguel Bertho, ki konfime enfòmasyon an di li pa konnen ak ki maladi dominiken an t ap soufri. Majistra a regrèt malgre tout demach li fè bò kote otorite lasante yo pou vin egzaminen kadav la, pèsonn pa janm vini. Jean Belaguel di li gen anpil dout se pa nouvo kowonaviris la ki touye sitwayen dominiken an.
Sitwayen nan lokalite Savann Blond ap gen gwo laperèz pou yo pa kontamine ak nouvo kowonaviris la. Sitwayen dominiken ki mouri pase prèske 24 èd tan nan nan mitan moun yo.
Kreyòl Enfo