Yon sekirite senatè Nenel Cassy pran yon bal nan kou

Senatè Nenel Cassy denonse yon « tantativ asasinay  » li di ki fèt kont li nan mitan lanwit samdi pou louvri dimanch 18 novanm nan kote yon ajan sekirite l resevwa yon katouch nan kou.

Reprezantan depatman Nip la di se nèg ak zam ki te nan yon machin nwa  » zo reken » ki louvri kout zam sou ekip li, bò 2zè, nan zòn Gresye. Nenel Cassy lonje dwèt sou patizan pouvwa ki ta atake epi blese yon sekirite l.

Palmantè a fè kwè batay l ap mennen pou pwosè PetwoKaribe a se prensipal rezon ki lakoz patizan pouvwa a vle touye l.

Viktim nan, Jean Yves Severain ap resevwa laswenyay sou kabann lopital.