Kreyòl Enfo, 17 avril 2019 .- Yon lòt dram nan mitan Polis Nasyonal Ayiti a ( PNH). Loyer Lorenso, ki t ap travay nan Administrasyon penitansye nasyonal (APENA, sig nan lang franse) ta touye tèt li, lanwit madi 16 avril la, anndan prizon sivil Kwadèboukè a (Lwès).
Ajan IV la ki ta tire yon bal nan tèt li kite yon papye ki ekri : » ma femme, c’est fini (tradiksyon kreyòl : se fini madanm mwen), daprè enfòmasyon yon sous nan lapolis pataje ak Kreyòl Enfo.
Lanmò trajik Loyer Lorenso vin ogmante kantite dram ki deja anrejistre nan enstitisyon Lapolis kote divès polisye touye tèt yo pandan dènye mwa sa yo.
Kreyòl Enfo