Yon polisye louvri kout zam sou 2 konpayèl li nan vil Miragwàn

Pòtoprens, dimanch 2 desanm 2018 .- Yon polisye mouri, yon lòt blese anba bal nan komin Miragwàn ( Nip) nan lanwit samdi pou louvri dimanch 2 desanm nan.

Daprè enfòmasyon kèk notab nan zòn nan pataje ak Kreyòl Enfo, ensidan sa rive pandan 3 polisye, 22èm pwomosyon, t ap soti Miragwàn pou al Ansavo nan yon machin. Nan mitan chimen, polisye ki te chita dèyè nan machin nan ta rale zam epi tire sou 2 sak devan yo.

Youn nan polisye yo mouri lapoula, lòt la ap pran laswenyay sou kabann lopital.

Direktè Jeneral Lapolis la, Michel Ange Gedéon ki konfime enfòmasyon an di enspeksyon jeneral deja resevwa lòd pou louvri yon ankèt epi fè limyè sou sak pase a.

Kreyòl Enfo