Yon polisye ak yon sispèk mouri anba bal sou Channmas

Pòtoprens, 4 fevriye 2019 .- Yon lòt kadav nan mitan Lapolis. Mackenzy Pierre, ajan III, se non yon polisye ki tonbe anba bal bandi pandan katriyèm dimanch avan kanaval nasyonal la sou Channmas.

Kolaboratè Kreyòl Enfo ki te prezan sou Channmas la konstate ensidan an pase devan cha DJ Cash Cash, devan palè nasyonal. Kèk temwen eksplike ensidan an pase nan moman polisye Mackenzy Pierre te remake twa (3) endividi ki t ap mache ak zam nan mitan foul la. Ajan III a ki t ap eseye metrize endividi yo te resevwa yon bal nan kou. Mackenzy Pierre rann dènye souf li sou kabann lopital.

Lòt polisye ki te prezan pandan ensidan an te rive metrize ak katouch endividi yo sispèk ki ta touye Mackenzy Pierre. Endividi a te rann dènye souf lapoula.

Kreyòl Enfo