Home Aktyalite Yon moun mouri, 3 lòt bese pandan yon manifestasyon pou kouran Laskawobas

Yon moun mouri, 3 lòt bese pandan yon manifestasyon pou kouran Laskawobas

by Kreyòl Enfo

Ench, 15 janvye 2019 .- Yon van panik soufle sou komin Laskawobas (depatman Sant) dimanch pase a (13) kote pou pi piti yon (1) moun mouri epi plizyè lòt blese pandan yon manifestasyon abitan nan zòn nan pou reklame kouran 24/24.

Enfòmasyon ki rive jwenn Kreyòl Enfo presize Tinès Mackenson, yon jèn gason ki t ap patisipe nan manifestasyon an, resevwa yon bal nan kè pandan ajan Inite depatmantal pou mete lòd yo ( UDMO, sig nan lang franse ) t ap tire pou kouri dèyè yon gwoup manifestan ki t ap voye wòch. Lòt moun ki blese yo t al resevwa laswenyay nan lopital vil la.

Manifestan yo ki te move kou kong te tire anpil wòch tou sou lokal Elektrisite Ayiti a (EDH) ansanm ak biwo senatè Wilfrid Gelin.

Chèf Leta a, Jovenel Moise, te pwomèt, nan lane 2017, kouran 24/24 nan tout peyi a aprè 2 lane. Yon delè ki prèske rive nan bout li.

Kreyòl Enfo

0 comment