Home Aktyalite Yon mach pasifik pou mande lapè nan vil Gonayiv

Yon mach pasifik pou mande lapè nan vil Gonayiv

by Kreyòl Enfo

Kreyòl Enfo, 18 desanm 2019 .- Sou lobedyans Rasanbleman sitwayen angaje latibonit pou yon lòt sosyete (RASYANS) plizyè santèn sitwayen mache pasifikman nan lari Gonayiv, jodi mèkredi a, pou egzije lapè retounen nan vil la ki pratikman bloke depi 3 mwa akoz mouvman pwotestasyon kont Jovenel Moise ak pouvwa Tèt Kale a.

Pandan mach sa ki batize « Nwèl pou lapè », sitwayen yo mande tout politisyen ki nan pouvwa oubyen opozisyon bay popilasyon an yon chans pou yo viv fèt nwèl ak fen lane yo. Sekretè jeneral òganizasyon an, Sorel Bruno, raple nwèl se yon peryòd ki sakre, youn nan moman ki pi enpòtan nan lavi timoun yo.

Kontrèman ak rès peyi a, lekòl toujou poko fonksyone nan site lendepandans la pandan lane 2019 la. Bank komèsyal ansanm ak gwo komès yo gen gwo difikilkte tou pou yo fonksyone.

Kreyòl Enfo

0 comment