Yon lòt fwa ankò, tout aktivite bloke nan kapital la

Pòtoprens, 20 novanm 2018.- Menm jan ak ayè lendi a, lekòl, transpò ak komès pa fonksyone nan Pòtoprens ak lantouray li, daprè sa Kolaboratè Kreyòl Enfo ki gaye nan lari a konstate.

Toujou pa gen machin pou transpòte pasaje nan kalfou ayewopò, Pòs machan, Pòtay Leyogàn ak lòt estasyon nan kapital la. Sitwayen ki bezwen al nan aktivite yo oblije mache plizyè kilomèt oubyen pran taksi moto.

Lekòl pa fonksyone nan majorite vil nan peyi a.

Nan moman n ap ekri tèks la (9:00), pòt tout gwo magazen fèmen sou Dèlma a. Se menm sitiyasyon an anba lavil Pòtoprens kote mache Kwabosal ak zòn Lasalin prèske pa gen ti machann.

Barikad ak kawoutchou bloke plizyè wout nan kapital la. Dèlma 18, Sanfil ak Nazon gen endividi k ap voye anpil wòch ak boutèy sou machin k ap tante pran lari a.

Plizyè inite nan lapolis la ap pwonmennen nan lari a.

Anpil sitwaten ki rete nan zòn Taba, Kwadèmisyon, Bon repo, poun site sa yo sèlman, di katouh fè nwit lan ap chante jiska madi maten an.