Home Aktyalite Yon komite solidarite pou akonpaye Radyo Kiskeya

Yon komite solidarite pou akonpaye Radyo Kiskeya

by Dales Buteau

Pòtoprens, 27 desanm 2018 . –Direksyon jeneral Radyo ak Tele Kiskeya anonse, jodi jedi a (27), fòmasyon yon komite solidarite pou ride enstitisyon an kanpe aprè trajedi 21 desanm pase a.

Enfòmasyon Kiskeya pibliye sou sit entènèt li presize komite sa ap genyen pou kowòdone epi bay rapò sou tout bourad y ap resevwa nan solidarite k ap fèt pou enstitisyon an.

Komite solidarite sa genyen pou manm :

Edouard Paultre;

Magalie Comeau Denis;

Ted Saint-Dic;

Gessy Ewald Benoit;

Carole Pierre-Paul Jacob;

Vickens Dérilus;

Rachèle Magloire;

Dominique Frank Simon;

Antoine Augustin;

Presidan konsèy administrasyon Radyo ak Televizyon Kiskeya a, Marvel Dandin, di pòt komisyon solidarite a rete louvri pou lòt moun ki ta vle rantre ladan l.

Mesye Dandin bay garanti Kiskeya ap leve kanpe pou kontinye travay pou avansman demokrasi san li pa mare nan pye tab pèsonn.

Nan lanwit vandredi 21 desanm 2018 la, yon gwo dife te ravaje lokal radyo a epi boule prèske tout materyèl.

Kreyòl Enfo

0 comment