Yon komite 7 manm pou prepare fineray nasyonal ansyen prezidan Jovenel Moïse

👤 Kreyòl Enfo

Kreyòl Enfo, 14 jiyè 2021.- Nan yon arète ministeryèl ki sòti 12 jiyè pase a, premye minis revoke a, Claude Joseph, mete kanpe yon komite pou prepare fineray nasyonal ansyen prezidan Jovenel Moïse endividi asasinen lakay li douvanjou 7 jiyè 2021 an. Komite sa ki gen ladan l 7 manm fòme ak plizyè pèsonalite ki nan gouvènman demisyonè a.

Minis Afè etranjè ak Kilt la, Claude Joseph, minis Kilti ak Kominikasyon, Pradel Henriquez, minis Enteryè ak Kolektivite Tèritoryal yo, Louis Gonzague Edner Day, minis Defans, Jean Walnard Dorneval, Direktè kabinè ansyen prezidan an, Nahomme Dorvil, Sekretè jeneral ansyen prezidan an ak Direktè jeneral Mize Panteyon nasyonal Ayisyen an se pèsonalite ki fòme komite sa.

»   Okay, Pwotestan yo pran lari pou egzije demisyon Jovenel Moise

Selon arète ministeryèl sa, nouvo komite sa gen pou misyon fikse dat epi planifye yon fineray nasyonal pou Prezidan Jovenel Moïse nan respè ak diyite yon chèf Leta merite.

Kreyòl Enfo

ou ka enterese