Yon jèn fi mouri aprè mari l te fin maspinen l

Anviwon yon mwa aprè majistra Taba a Nice Simon te manke pèdi lavi l aprè mari l te fin maspinen l, se yon anplwaye SOGEBANK ki viktim anba zak vyolans gason .

Lanwit lendi 12 novanm nan, Juslène Jean Charles ta pran kou jouk li mouri anba men mari l Emanuel Dieujuste, daprè enfòmasyon radio Vision 2000 rapòte. Madanm Jean Charles ki kite yon ti fi 8 lane te rann dènye souf li nan yon lopital nan kapital la.

Prezime kriminèl la, Emmanuel Dieujuste, ta gentan chape poul li aprè zak la.