Home Aktyalite Yon gwoup polisye manifeste Pòtoprens, plizyè estann boule sou Channmas

Yon gwoup polisye manifeste Pòtoprens, plizyè estann boule sou Channmas

by Kreyòl Enfo

Kreyòl Enfo, 17 fevriye 2020 .- Plizyè estann ki te gentan konstwi avan kanaval nasyonal la pase anba flanm dife, aprè midi lendi a (17), sou Channmas, daprè sa yon kolaboratè Kreyòl Enfo konstate.

Daprè kèk temwen, se nan moman yon gwoup polisye ki t ap manifeste pou mande rèsponsab enstitisyon an pèmèt yo fòme yon sendika te rive Channmas epi estann yo pran dife. Estann meri Pòtoprens la ak Laprezidans la boule rapyetè.

Plizyè sektè nan peyi a kont òganizasyon kanaval nasyonal la ane sa ( 23, 24, 25) . Sektè sa yo kwè kanaval pa dwe fèt nan moman peyi a ap travèse yon sitiyasyon difisil sitou fenomèn kidnaping lan ki pa gen limit.

Kreyòl Enfo

0 comment