Politik 

Yon gwoup depite egzije senatè Joseph Lambert mande Printemps Belizaire eskiz

Kreyòl Enfo , ,

Pòtoprens, vandredi 7 desanm 2018.- Gwoup depite ki nan opozisyon ak pouvwa Tèt Kale a denonse konpòtman prezidan Sena a, Joseph Lambert, te genyen nan seyans ak Konsèy Siperyè Polis Nasyonal la, madi 4 desanm pase a, kote li te fè kwè depite Printemps Belizaire a itilize machin li pou pwoteje bandi k ap feraye nan katye Vilaj Dedye.

Depite Pòsali a Sinal Bertrand di yo sezi tande senatè Joseph Lambert akize depite twazyèm sikonskripsyon an, Printemps Belizaire, kòm otorite ki ta itilize machin li pou fè chèf gang Anel sove pandan yon operasyon Lapolis. Sinal Bertrand ki t ap pale nan non depite ki nan opozisyon yo egzije senatè Lambert pou mande Printemps Belizaire ekskiz devan tout moun pou akizasyon sa.

Si prezidan Joseph Lambert pa vle fè eskiz, depite Sinal Bertrand, Roger Milien, Jean Robert Bossé, Joseph Manès Louis ak Raynald Exantus menase pou yo bloke seyans asanble nasyonal 2èm lendi mwa janvye 2019 la kap louvri premye sesyon òdinè ane lejislativ 2019-2020 la.

Kreyòl Enfo