Home Aktyalite Yon gwo biznisman mouri nan penitansye nasyonal ak tout sentom kovid-19 yo

Yon gwo biznisman mouri nan penitansye nasyonal ak tout sentom kovid-19 yo

by Kreyòl Enfo

Kreyòl Enfo, 29 me 2020.- Prezidan direktè jeneral « UCO Bureau de Change», Jacques Baudelaire, mouri nan mitan lanwit jedi 28 me a nan penitansye nasyonal ak tout sentom ki sanble ak nouvo kowonaviris la. Biznisman nan te fèmen nan prizon pou fo chèk ak detounman lajan.

Baryè prensipal penitansye nasyonal

Daprè enfòmansyon yon sous nan penitansye nasyonal, Jacques Baudelaire mouri akoz yo te pran kouran pandan li t ap respire gras ak yon aparèy atifisyèl. Lanmò Jacques Baudelaire ak tout sentom kovid-19 yo kreye gwo panik nan mitan lòt prizonye yo.

Biznisman nan te pataje menm selil ak ansyen depite Antony Dumont ki nan prizon pou kadejak epi Clifford Brandt lajistis kondane pou kidnapig. Pou kounye a, rèsponsab yo mete ansyen depite Antony Dumont nan karantèn paske li santi menm sentom yo.

Plizyè òganizasyon k ap defann dwa moun pami yo Défenseurs Plus kònen lanbi nan zòrèy otorite yo sou kondisyon ki pa genyen nan prizon yo pou fè fas ak epidemi kovid-19 la.

Kreyòl Enfo

0 comment