Yon grèv nan NATCOM paralize fonksyònman rezo a

Kreyòl Enfo, 14 mas 2019 .- Anplwaye konpayi telefòn NATCOM kanpe travay depi plizyè jou pou egzije pi bon kondisyon travay epi ogmante salè yo.

Kèk nan pwotestatè yo ki pale ak Kreyòl Enfo denonse, jodi jedi 14 mas la, rèsponsab konpayi a yo di ki peye anplwaye ayisyen yo yon ti « kraze monnen » pandan anplwaye etranje yo ap byen touche.

Daprè pwotestatè sa yo, se mouvman grèv la ki lakoz gwo difikilte sou rezo NATCOM nan kote anpil zòn pa gen siyal. Yo menase pou pa retounen travay toutan revandikasyon yo pa satisfè.

Kreyòl Enfo