Yon enspektè polis tonbe anba bal Matisan

Pòtoprens, mèkredi 28 novanm 2018.- Bandi ak zam tire yon enspektè polis nan zòn Matisan, sid Pòtoprens, maten mèkredi 28 novanm nan.

Enspektè Dieujuste Jean Pierre resevwa plizyè katouch pandan li te sou yon motosiklèt. Li t ap travay nan pòs polis ki sou Fò Nasyonal la.

Temwen rapòte zagoloray yo ki te sou motosiklèt pran zam viktim lan epi ale san kè sote.