Ensekirite : yon enjenyè etranje tonbe anba bal bandi nan Latibonit

Kreyòl Enfo, 28 mas 2019 .- Enjenyè Filipe Fernandes ki gen nasyolite potigè tonbe anba bal bandi, jodi jedi 28 mas la, nan lokalite Jean Baptiste Pointe, komin Senmak. Enjenyè Fernandez t ap travay nan konstriksyon yon lekòl nan zòn nan.

Enfòmasyon ki rive jwenn Kreyòl Enfo konfime viktim nan tonbe pandan li t ap sot pran lajan labank pou peye anplwaye. Enjenyè Filipe Fernandez ki te nan yon machin pikòp resevwa 3 katouch anba men bandi yo ki ale ak tout lajan an.

Lapolis Senmak ki di yo deja ap mennen ankèt sou dosye a poko fè okenn arèstasyon.

Kreyòl Enfo