Yon avyon tonbe ak 157 moun nan peyi Etyopi

Kreyòl Enfo, 10 mas 2019 .- Yon avyon konpayi Ethiopian Airlines, ki t ap vole soti nan kapital Etyopi, Adis Abeba, pou ale Naywobi, nan peyi Kenya, tonbe jodi dimanch la (10) ak 157 moun.

Daprè enfòmasyon youn nan rèsponsab konpayi a, Tewolde G Medhin, pa gen okenn moun ki chape nan dram sa. Avyon an te gen 149 pasaje ak 8 manm ekipaj.

Rèsponsab yo poko konnen rezon ki lakoz aksidan sa. Otorite yo ekate tout posibilite pou se ta yon atak teyoris.

Nan yon nòt, Ethiopian Airlines presize vòl ET302 tonbe toupre vil Bishoftu, 62 kilomèt sidès Adis Abeba, 6 minit aprè li fin kite tè.

Kreyòl Enfo