Yon ASEK Granravin mouri ak yon bal nan tèt devan Palè jistis

Kreyòl Enfo, 14 mas 2019.- Aristilde Junior, youn nan mznm Asanble Seksyon Kominal (ASEK) Granravin (sid Pòtoprens), resevwa yon bal nan tèt, aprè midi mèkredi 13 mas la, pandan li t ap soti nan Pakè Pòtoprens.

Otorite nan seksyon kominal la pèdi lavi l pandan li t ap sot akonpaye kèk endividi nan katye Granravin ki ta jwenn arèstasyon yo dèyè do lalwa.

Daprè enfòmasyon Kreyòl Enfo ranmanse, ensidan sa rive nan moman yon gwoup nèg ak zam anba kontwòl chèf gang Savann Pistach la 《Tije》t ap tante anvayi lokal Palè jistis la pou pran youn nan《sòlda》 gang lan ki t ap reponn kesyon lajistis. Toutfwa, atoufè ki t ap tire nan tout direksyon pat rive rantre nan lokal la.

Bandi ak zam pa sispann touye moun epi bloke plizyè katye nan kapital lè yo vle. Tout sa, anba bouch otorite yo ki parèt san fòs pou kontrekare zagoloray yo.

Kreyòl Enfo