Yon ansyen komisè gouvènman denonse batay entèpelasyon ki genyen nan palman an

Kreyòl Enfo, 18 mas 2019 .- Ansyen komisè gouvenman nan jiridiksyon Gonayiv la, Mèt Enock Géné Génélus, denonse jodi a konpòtman 2 branch palman an nan dosye entèpelasyon Premy minis Jean Henry Céant an.

Ansyen chèf pakè Gonayiv la di batay entèpelasyon k ap fèt nan mitan Sena a ak chanm depite a montre byen klè chire pit ki genyen ant prezidan Jovenel Moise ak premye minis Jean Henry Céant. Pou jiris la, palmantè yo pap defann enterè peyi a.

Mèt Génélus panse voye premye minis la ale ak tout gouvènman an pap chanje anyen nan sitiyasyon difisil peyi a ap travèse nan moman an.

Enock Géné Génélus ankouraje bon jan dyalòg nan mitan tout sektè nan peyi a.

Rolguy Docteur