Wout kalfou Jòf-Pòdepè ansanm ak netwayaj kanal nan Gonayiv ap vanse, daprè delege Latibonit la

Gonayiv, jedi 29 novanm 2018 .- Delege Depatmantal Latibonit la, Herby Dalencourt fè konnen travay netwayaj kanal yo ap rapouswiv nan vil Gonayiv pandan finisman lane 2018 la.

Herby Dalencourt di gen demach k ap fèt bò kote otorite yo nan Latibonit pou jwenn materyèl ki kapab pèmèt teknisyen. yo fini ak travay yo.

Sou dosye wout Kalfou Jòf/Pòdepè a, reprezantan pouvwa egzekitif la nan Latibonit eksplike chantye ap vanse san gwo difikilte.

Mouche Dalencourt presize gen jefò k ap fèt pou fini ak devyasyon Labrann ki sou tèt mòn nan. Gen asfal ki pral poze sou 4 kilomèt, soti Larivyè Griz pou rive Mòn Lakrèt, toujou daprè delegue Herby Dalencourt.

rolguydocteur@gmail.com