Home Aktyalite Wanament, yon Obsèvatwa pou batay kont trafik moun ak pwoblèm migran yo nan fwontyè a

Wanament, yon Obsèvatwa pou batay kont trafik moun ak pwoblèm migran yo nan fwontyè a

by Kreyòl Enfo

Kreyòl Enfo, 20 desanm 2019 .- Obsèvatwa Migrasyon ak Trafik Moun sou fwontyè a (OMTT, sig nan lang franse) se non yon nouvo òganizasyon ki lanse ofisyèlman, jedi 12 desanm pase a, nan vil Wanament (Nòdès) nan lide pou batay kont trafik moun epi plede pou dwa migran yo rèspekte.

Kòdonatè Jeneral Obsèvatwa a, Sylvestre Fils Dorcilus, di misyon obsèvatwa a se « kontribiye nan diminye jouk rive elimine fenomèn trafik moun sou fwontyè Ayiti ak Repiblik Dominikèn nan epi pote konkou nan lit kont vyolasyon tout kalte dwa migran ayisyen yo ». Sylvestre Fils Dorcilus fè konnen premye objèktif OMTT se fòse Leta ayisyen rive aplike lwa 2014 sou fenomèn trafik moun nan epi aplike tout pwotokòl ki gen pou wè ak migrasyon.

Reprezantan kèk lòt òganizasyon, tankou OIM, SJM/SFw-Haiti ak Lapolis ki te pran lapawòl nan okazyon an bat bravo lakontatman pou Obsèvatwa a yo kwè k ap vin ranfòse travay ki deja tanmen sou fwontyè a nan sa ki konsène migrasyon ak trafik moun.

Seremoni pou lanse Obsèvatwa sa te dewoule devan plizyè otorite nan depatman Nòdès la, reprezantan lapolis ak divès manm nan sosyete sivil la.

Kreyòl Enfo

0 comment