Venezyela : Otorite yo revoke Juan Guaido epi entèdi l patisipe nan eleksyon pandan 15 lane

Kreyòl Enfo, 28 mas 2019 .- Kontwolè Jeneral Repiblik bolivaryèn nan, Elvis Amoroso, revoke jodi jedi a (28) prezidan Palman an Juan Guaido epi entèdi l patisipe nan eleksyon pandan 15 lane. Chèf opozisyon an ki te pwoklame tèt prezidan ta mele nan zak kòripsyon.

Daprè Elvis Amoroso, Juan Guaido pa ka jistifye, nan deklarasyon patrimwàn li, lajan li depanse nan peyi Venezyela ak lòt peyi etranje. Guaido ta pran lajan nan men lòt peyi pou finanse depans sa yo.

Kontwolè a eksplike  » sitwayen Juan Guaido depanse 310 milyon boliva (94 000 mil dola ameriken) pou plis pase 91 vwayaj nan lòt peyi, san li pa jistifye kote li jwenn lajan sa yo. »

Juan Guaido ki di li toujou prezidan Palman venezyelyen an voye jete desizyon Kontwolè Jeneral la.

Kreyòl Enfo