Home Entènasyonal Venezyela mete lapat sou 9 « mèsènè » pami yo 2 ameriken ki t ap tante anvayi peyi a

Venezyela mete lapat sou 9 « mèsènè » pami yo 2 ameriken ki t ap tante anvayi peyi a

by Kreyòl Enfo

Kreyòl Enfo, 5 me 2020 .- Gouvènman venezyelyen an anonse ayè lendi a (4) Lame Nasyonal Bolivaryèn nan tèt kole ak Lapolis venezyelyèn mete anba kòd uit (8) « mesenè » ki t ap tante anvayi Venezyela pandan wikenn nan. Pami endividi otorite peyi Venezyela arete yo gen 2 ameriken.

Prezime mesenè ki t ap tante anvayi Venezyela ( foto TeleSur)

Daprè yon otorite ki t ap bay eksplikasyon nan TeleSur, se abitan nan zòn Chuao, eta Aragua, ki mete lapat sou mèsenè yo. Li presize se moun k ap peche pwason nan lanmè zòn nan ki te sispèk « teyoris » yo epi avize lame a. Gouvènè Aragua a, Rodolfo Marcos Torres, salye kouraj popilasyon lokal la ki pèmèt yo arete endividi sa yo pandan li ajoute « anvayisè yo souzèstime yon pèp ki, ak anpil kouraj, pare pou defann souverènnte peyi l ».

Uit (8) endividi, pami yo youn nan lidè operasyon teyoris la, Robert Colina Ibarra, moun plis konnen sou non Pantè mouri pandan tantativ envazyon sa, daprè gouvènman venezyelyen an. Mesenè yo ta soti nan peyi Kolonbi.

Minis Enteryè a, Jistis ak Lapè a, Nestor Reverol, anonse yo sezi 10 fizi, yon Glock 9mm, 2 mitrayèt AFAG, sis machin (pikòp), yon lans, 2 kaye ak tout detay sou operasyon an, telefòn satelit, kat idantite, inifòm, yon kas ak drapo Etazini ansanm ak katouch pou divès zam.

Kreyòl Enfo

0 comment