Home Entènasyonal Venezyela : lajistis entèdi Juan Guaidó kite peyi a

Venezyela : lajistis entèdi Juan Guaidó kite peyi a

by Kreyòl Enfo

Kreyòl Enfo, 30 janvye 2019. – Lajistis nan peyi Venezyela pase lòd, ayè madi a, pou Juan Guaidó, ki mete tèt li prezidan, pa kite peyi a. Desizyon sa pran nan lide pou otorite Karakas yo kontrekare lidè opozisyon an ki jwenn sipò Etazini.

Juan Guaidó, 35 lane, ki gen non li site nan yon ankèt pou  » aksyon k ap twouble lapè Repiblik la  » pa gen dwa kite Venezyela san pèmisyon jiskaske ankèt la fini . Otorite yo bloke tout lajan mouche Guaidó te gen labank tou, daprè sa prezidan Tribinal siprèm jistis la (TSJ), Maikel Moreno anonse.

Poutan, Etazini te lanse yon pinga bay  » tout moun k ap tante kraze demokrasi epi pete eskonbrit ak Guaidó. Moun sa yo ap sibi gwo konsekans », daprè pawòl John Bolton, konseye espesyal prezidan Donald Trump nan zafè sekirite nasyonal.

Kreyòl Enfo

0 comment