Home Aktyalite ULCC mande Lajistis lage koukouwouj dèyè ansyen minis Roosevelt Bellevue pou kòripsyon

ULCC mande Lajistis lage koukouwouj dèyè ansyen minis Roosevelt Bellevue pou kòripsyon

by Kreyòl Enfo

Inite k ap lite kont kòripsyon ( ULCC, sig nan lang franse) mande lajistis lage koukouwouj dèyè ansyen minis zafè sosyal ak travay, Roosevelt Bellevue, chèf kabinè li ansanm ak administratè ministè a. ULCC akize Bellevue ak konpayèl li yo kòmkwa yo ta siyen kontra anba tab epi fè Leta depanse plis lajan pou achte materyèl eskolè.

Inite k ap lite kont kòripsyon nan peyi a mande komisè gouvènman Pòtoprens la tou lage koukouwouj dèyè 7 responsab nan 6 antrepriz pou patisipasyon yo nan fè Leta depanse plis lajan nan kontra yo.

Minis Roosevelt Bellevue te pèdi djòb li nan lane 2016 aprè eskandal materyèl eskolè kote non plizyè gwo palto nan Leta ta mete tèt ansanm pou pwofite fè lajan anba tab pandan y ap achte kaye, kreyon ak valiz pou ride timoun ki gen plis difikilte yo ale lekòl.

0 comment