Toronto bat Golden State epi ranpòte premye tit NBA li

Kreyòl Enfo, 14 jen 2019 .- Yèswa jedi a, nan Oracle Arena a, Toronto Raptors ranpòte premye tit li nan listwa NBA a aprè bèl viktwa li sou Golden State Warriors 114-110 . Nan yon match chaje ak emosyon, Raptors yo fè yon katriyèm viktwa pou genyen seri a kont Stephen Curry ak konpayèl li yo (4-2).

Ekip kanadyèn nan ranpòte tit sa gras ak Kawhi Leonard ki make 22 pwen, Kyle Lowry, 26 pwen ak 10 pas, Pascal Siakam, 26 pwen ak 10 rebon epi Fred Vanvleet ki make 22 pwen.

Kawhi Leonard fini pi bon jwè (MVP) seri Final la. Leonard gen yon mwayèn 28 pwen ak 9.8 rebon nan seri a.

Kreyòl Enfo