Kreyòl Enfo, 12 mas 2020 .- Egzamen medikal konfime aktè Tom Hanks ansanm ak madanm li, Rita Wilson, enfekte ak nouvo kowonaviris la (Covid-19) nan peyi Ostrali. De (2) sipèsta yo te nan peyi Ostrali pou anrejistre yon film sou Elvis Presley.
Se Tom Hanks menm ki konfime nouvèl la sou kont twitè li mèkredi 11 mas la.
» Rita ansanm ak mwen isit nan peyi Ostrali. Nou santi yon ti fatig, nou frèt epi nou santi doulè nan kò. Rita genyen yon fyèv tou. Pou retire tout dout, tankou jan sa nesesè nan mond la kounye a, nou fè egzamen pou kowonaviris. Rezilta yo pozitif . »
Ni Tom Hanks ni Rita Wilson gen 63 lane.
Kreyòl Enfo