Tije, chèf gang Savann Pistach la vale dlo bouch li

Kreyòl Enfo, 30 avril 2019 .- Chèf gang Savann Pistach la Sony Jean moun plis konnen sou non Tije tonbe anba bal, aswè lendi 29 avril la, pandan yon operasyon lapolis Dèlma 83.

Direktè jeneral polis nasyonal la, Michel-Ange Gédeon, ki konfime enfòmasyon an Kreyòl Enfo presize « Tije » pèdi lavi l pandan li t ap boukante kout zam ak ajan fòs lòd yo. Lapolis mete lapat tou sou plizyè lòt « sòlda » ki nan gang sa ki pa sispann fè san koule nan katye Kafoufèy.

Michel-Ange Gédeon pwomèt lapolis ap travay pou fouke tout bandi k ap simen latwoublay nan peyi a.

Kreyòl Enfo