Kreyòl Enfo, 13 jiyè 2019 .- Pandan 55 minit maten an, nan vil Lond, Simona Halep dewoule sou Serena Williams nan final Wimbledon nan. Womèn nan kraze amirikèn nan 2 set zewo ( 6-2, 6-2) epi ranpòte dezyèm gran Chelem nan karyè li.
Viktwa Halep la anpeche Serena Williams rantre pi fon nan listwa. Pi piti nan sè Williams yo bezwen sèlman yon gran Chelèm ankò pou l jwenn Margaret Court ak 24 tit.
Match maten an fè twazyèm final gran Chelèm Serena Williams pèdi youn kole ak lòt aprè Wimbledon ak US Open 2018.
Kreyòl Enfo