Home Espò Tenis : Aprè yon match sansasyonèl, Nadal bat Medvedev epi ranpòte 4e US Open li

Tenis : Aprè yon match sansasyonèl, Nadal bat Medvedev epi ranpòte 4e US Open li

by Kreyòl Enfo

Kreyòl Enfo, 9 septanm 2019 .- Ayè dimanch la, Rafael Nadal ranpòte 19e tit Grand Chelem li, 4e US Open, gras viktwa li sou Daniil Medvedev nan yon match chaje ak emosyon ki fini aprè senk sèt epi 4è49 minit ( 7-5, 6-3, 5-7, 4-6, 6-4).

Malgre li t ap pèdi 2 sèt 0, Medvedev rive bouskile Nadal jouk li egalize epi voye match la nan yon senkyèm sèt. Sa ki ta pral ogmante presyon an sou nimewo 2 mondyal la. Tankou gran chanpyon, Rafael Nadal pat krake. Espanyòl la te jwenn ase fòs pou l genyen 5e sèt la, bat Ris la epi leve 4e twofe li nan vil Nouyòk ( 2010, 2013, 2017 ak 2019).

Aprè 19e Grand Chelem sa, Nadal ap talonnen Roger Federer ki li menm deja ranpòte 20 tit Grand Chelem nan listwa jwèt la.

Kreyòl Enfo

0 comment