Tansyon Okay : plizyè moun blese anba bal

Kreyòl Enfo, 11 jen 2019.- Yon gwo van panik soufle nan vil Okay (Sid), jodi madi a (11 jen), kote pou pi piti 3 moun soti blese anba bal.

Ensidan sa rive pandan yon gwoup manifestan kont prezidan Jovenel Moïse ak pouvwa Tèt Kale a t ap twoke kòn yo ak Lapolis.

Moun ki blese yo ap resevwa laswenyay lopital, daprè enfòmasyon kolaboratè Kreyòl Enfo nan depatman Sid la rive konfime.

Nan moman n ap ekri tèks la (3:30 aprè midi), toujou gen gwo tansyon nan vil Okay kote anpil kawoutchou ap boule.

Kreyòl Enfo