Home Aktyalite Tansyon nan vil Monwi : yon komisarya ak plizyè machin boule

Tansyon nan vil Monwi : yon komisarya ak plizyè machin boule

by Kreyòl Enfo

Senmak, 28 janvye 2019 .- Gwo tansyon nan komin Monwi (Latibonit), aprè midi lendi a (28), kote yon gwoup endividi ak zam mete dife nan komisarya vil la ansanm ak plizyè machin.

 » Ajan ki te nan komisarya a pat gen repondong pou korèsponn ak delenkan yo ki te gen gwo zam fann fwa « , daprè enfòmasyon yon sous nan Lapolis. Rèsponsab PNH yo deja voye ranfò pou reprann kontwòl sitiyasyon an.

Yon abitan nan zòn nan ki pale ak redaksyon Kreyòl Enfo nan telefòn rakonte ensidan sa rive akoz yon batay pou tè.

 » Depi ayè dimanch la, endividi yo te boule kawoutchou epi mete barikad pou bloke wout nasyonal nimewo 1 an (RN1). Se paske polisye yo t ap tante retire barikad yo ki fè yo boule komisarya a. »

Nan moman n ap ekri tèks la (6:30), toujou gen gwo tansyon nan vil Monwi.

Kreyòl Enfo

0 comment