Home Aktyalite Tansyon nan vil Gonayiv : Plizyè manifestan pran bal

Tansyon nan vil Gonayiv : Plizyè manifestan pran bal

by Kreyòl Enfo

Kreyòl Enfo, 7 fevriye 2019. – Menm jan ak tout gran vil nan peyi a, plizyè milye moun pran lari nan Gonayiv, jodi jedi a, pou maniste kont konripsyon ak pouvwa Tèt Kale a.

Kolaboratè Kreyòl Enfo nan site lendepandans la konstate gwo eskonbrit pete nan mitan manifestan ak fòs lòd yo nan zòn ri Louvèti. Bilan : pou pi piti 3 pwotestatè blese anba bal.

Nan moman n ap ekri tèks la (12:10), sitiyasyon an toujou cho nan vil Gonayiv kote manifestan ak Lapolis ap twoke kòn yo. Pwotestatè yo ki move kou kong ap voye anpil kout wòch sou polisye yo ki yo menm ap lanse gaz lakrimijèn.

Kawoutchou ap boule tou nan plizyè katye site lendepandans la.

Kreyòl Enfo

0 comment