Home Aktyalite Tansyon nan Latibonit : yon sibtiti komisè gouvènman ak tout chofè l blese anba bal

Tansyon nan Latibonit : yon sibtiti komisè gouvènman ak tout chofè l blese anba bal

by Kreyòl Enfo

Kreyòl Enfo, 26 septanm 2019.- Youn nan sibtiti komisè gouvènman pakè Senmak la, Josué Décima, blese anba bal, aprè midi jedi a (26), nan zòn Mapou Rolin, 2e seksyon komin Ènri, depatman Latibonit.

Daprè enfòmasyon ki rive jwenn Kreyòl Enfo (KE), komisè a resevwa 2 katouch nan moman li te rive devan yon barikad yon gwoup pwotestatè k ap reklame demisyon prezidan Jovenel Moïse te mete pou bare wout la.

Komisè Décima ki te gen gwo bouch louvri ak pwotestatè yo resevwa yon bal nan vant ak yon lòt nan bra. Chofè ki te akonpaye sibtiti komisè gouvèman an limenm tou soti blese anba bal, daprè deklarasyon majistra Ènri a, Marc Henry COMPÈRE.

Majistra a ki kondane zak sa swete Lapolis fè tout sak posib pou fouke koupab yo epi trennen yo devan lajistis.

Nan moman an, 2 viktim yo ap resevwa laswenyay nan yon lopital nan vil Gonayiv.

Kreyòl Enfo

0 comment