Home Aktyalite Stéphane Durant pèdi djòb li yon jou aprè Prezidan Jovenel Moise vizite SONAPI

Stéphane Durant pèdi djòb li yon jou aprè Prezidan Jovenel Moise vizite SONAPI

by Kreyòl Enfo

Kreyòl Enfo, 7 me 2020 .- Sitwayen Jean Bernadel Paul pran tèt Sosyete Nasyonal Pak Endistriyèl yo ( SONAPI), sig nan lang franse), jodi jedi a, kèk èd tan sèlman aprè Prezidan Jovenel Moise te fin vizite lokal enstitisyon an.

Baryè prensipal SONAPI

Yon nimewo jounal Le Moniteur espesyal ki pote dat 6 me 2020 presize « Sitwayen Jean Bernadel Paul nome direktè jeneral Sosyete Nasyonal Pak Endistriyèl yo (SONAPI). Jean Bernadel Paul ranplase Stéphane Durant ki pase yon bon bout tan nan pòs la.

Yon sous nan palè nasyonal ki pale ak redaksyon Kreyòl Enfo (KE) konfime prezidan Jovenel Moise pran desizyon pou revoke Stéphane Durant paske li pa satisfè pou fason li te wè Pak endistriyèl la pandan vizit sipriz ayè mèkredi a.

Lokal SONAPI a ta dwe sèvi espas pou mete tout materyèl medikal ki soti lòtbò dlo gouvènman prevwa itilize nan kad batay kont epidemi kovid-1 la.

Yon premye pil nan materyèl sa yo ki soti Lachin rive nan peyi a maten an.

Kreyol Enfo

0 comment