Home Espò Spencer Dinwiddie ak Luka Doncic se meyè jwè senkyèm semèn NBA a

Spencer Dinwiddie ak Luka Doncic se meyè jwè senkyèm semèn NBA a

by Kreyòl Enfo

Kreyòl Enfo, 25 novanm 2019 .- 3 viktwa pou yon defèt se bilan Brooklyn Nets sòti 18 pou rive 25 novanm malgre absans meyè jwè ekip la, K. Irving. Nets yo reyisi bon pèfòmans sa gras ak Dinwiddie ki fini meyè jwè konferans lès la pou semèn pase a. Pandan peryòd sa, « Combo-guard » la woule ak yon mwayèn 25.3 pwen, 3.5 rebon ak 6.8 pas nan chak match.

Nan konferans lwès la, se Luka Doncic ki fè lalwa pandan semèn pase a . Gras ak yon mwayèn 37 pwen , 8.5 rebon ak 11.8 pas nan chak match, Luka Doncic pèmèt Dallas Mavericks fè 4 viktwa sou 4 match li jwe pandan peryòd sa .

Kreyòl Enfo

0 comment