Pòtoprens, 19 desanm 2018 .- Yon jou aprè revokasyon Jose Mourinho, Manchester United nome Ole Gunnar Solskjaek kòm nouvo antrenè.
Nòvejyen an ki genyen 45 lane pral dirije klèb anglè pandan rès sezon an. Solskjaer gen misyon pou redrese Reds devils yo ki sizyèm (6e) nan klasman an ak 11 pwen anmwens katriyèm plas k ap pèmèt yon ekip jwe Lig chanpyon yo.
Ole Gunnar Solskjaer se ansyen atakan Manchester United. Li make 126 gòl pou 366 match li jwe sou koulè klèb anglè a.
Solskjaer pèmèt Manchester ranpòte yon lig chanpyon gras ak yon gòl li te enskri nan tan adisyonèl pandan final kont Bayern Munich nan lane 1999.
Georges Mackenson Forestal