Kreyòl Enfo, 8 me 2020 .- Dènye bilan otorite lasante yo nan peyi Brezil konfime 9 897 moun deja mouri ak epidemi kovid-19 la, 751 sèlman pandan jounen vandredi a. Premye fwa peyi a pèdi tout moun sa yo akoz viris la pandan 24 èd tan.
Rèsponsab yo anonse tou 145 328 moun kontamine nan tout peyi a, 10 222 nouvo ka pandan jounen an. Sa fè dezyèm fwa depi kòmansman pandemi an plis pase 20 mil moun enfekte pandan yon jou.
Chif sa yo montre Brezil gentan double kantite moun nouvo kowonaviris la touye nan peyi Lachin (4 633), kote yo te premye dekouvri viris Sars-CoV-2 a. Brezil se 6° peyi kote kovid-19 la touye plis moun sou latè.
Plizyè eta prèske pa gen kabann ak aparèy rèspiratwa pou resevwa malad Kovid-19 yo. Plizyè santèn pwofesyonèl lasante oblije abandone lopital pou ale nan izòlman aprè yon fin kontamine.
Pandan dènye 24 èd tan yo, Brezil se peyi ki gen plis moun mouri akoz nouvo kowonaviris la aprè Etazini.
Kreyòl Enfo