Sitiyasyon dejenere Pòtoprens : moun pran bal, gaz anvayi lopital jeneral

Pòtoprens, 9 fevriye 2019 .- Lapolis ak manifestan ap twoke kòn yo nan mitan kapital la, aprè midi samdi a (9), pandan yon gwoup manifestan ap bat pou rive devan palè nasyonal. Ajan fòs lòd yo ap tire anpil katouch ak gaz lakrimojèn pou kouri dèyè pwotestatè yo.

Malad ki kouche sou kabann lopital jeneral pa konnen kisa pou yo fè anba sant gaz lakrimojèn ki anvayi lopital la. Yon jèn gason blese anba bal tou pandan eskonbrit la.

Move kou kong lanmè, manifestan yo bloke tout ri ki nan mitan kapital la epi voye anpil wòch nan direksyon polisye yo.

Pwotèstatè fè kwè yo pap rantre lakay yo toutotan Jovenel Moise pa demisyone.

Kreyòl Enfo.